Umnqushu: Kudla lokwasikhulisa

Kuleliviki ku Kudliwani Eswatini, siyachubeka neluhambo lwetfu lwekukhuluma ngekudla kweSiswati.

Namuhla sikhuluma ngekudla lokumnandzi lokwakhako; umnqushu lokuyinhlanganisela yestambu kanye nemabhontjisi.

 Lesidlo lesi siyintsandvokati kulabanengi, ikakhulu ngoba, esikhatsini samanje ungakudla ngetindlela letehlukahlukene.

Ungakudla kukodvwa noma ukudle kanye netibhidvo noma kanye naloku yinyama. Kodvwa namuhla, sitakupheka ngendlela lesintfu.

Umnqushu bekuyintsandvo yagogo wami, futsi bekawupheka ngalendlela yesintfu kodvwa ube munandzi ngendlela lemangalisako.

Bekuba sitambu, emabhontjisi, emanti kanye neluswayi. Kute tinongo, kute lokungetiwe, noma kunjalo, ngandlela tsite, bekuphuma kumnandzi ngendlela lengakholweki.

Asesibone ke kutsi lesidlo lesi ungasipheka njani.

Sitambu nemabhontjisi (Umnqushu)

Tinongo

• 1 inkomishi yesitambu lesomile
• 1 inkomishi yemabhontjisi
• 8 tinkomishi temanti
• Luswayi lwekutsi kuveke

Indlela yekupheka

• Geza sitambu sakho nema bhonjisi ngaphansi kwemanti labandzako, sigeze site siphume konkhe kungcola.
• Sifake emantini busuku bonkhe (lokungenani emahora langu 8-12) endishini lengkhulu bese uyambonya. Lokufaka lesitambu nemabhontjisi emantini kucinisekisa kutsi kutsambe kuphekeke ngekulingana futsi asheshe avutfwe.
• Emvakwekukufaka emantini, geza lesitambu nemabhontjisi futsi, ngaphambi kwekutsi upheke.
• Hlanganisa kahle bese ufaka ebhodweni lelikhulu. Faka emanti lahlobile langangetinkomishi letingu 8.
• Hlanganisa lenhlanganisela bese uyabilisa ngemlilo losetulu, emvakwelihora  nciphisa umlilo ube phansi bese uyavala.
• Pheka  emahora langu 1.5 kuya ku 3 noma kuze kube ngulapho lestambu kanye nemabhontjisi sekutsambile. Hlola ngetikhatsi letitsite bese ufaka emanti labilako uma sekangatsi ayancipha, cinisekisa kutsi akusheleli.
• Uma lestambu nemabhontjisi sekutsambile, sekuvutfwe kahle, faka luswayi luze luvele bese uyahlanganisa kahle kuze kuhlangane.
• Umnqushu ungawudla usashisa noma njengesidlo lesiseceleni lesinenyama.