Sinkhwa semmbila kudla kwesintfu longakungeta etidlweni takho kulesikhatsi saKhisimusi.
Loku kudla lokutsandvwa ngulabaningi, futsi kusikhumbuta imphilo yasemakhaya. Sinkhwa ungasipheka ngelilanga lelendvulela Khisimusi, lapho umndeni wonkhe uphelele solungiselela lelilanga lelikhulu.
Lesinkhwa lesi senta liphunga lebumnandzi ekhishini, kucinisekisa kutsi ngisho nalabo labangakavami kusidla kakhulu basijabulele.
Lokumnandzi ke ngaso kutsi sinkhwa semmbila ungasidla njengesidlo sasekuseni noma sipheketelwe yinyama, ikakhulu inkhukhu yasemakhaya. Lokuhle kakhulu kutsi kulula kakhulu kusenta, futsi kwenta kudla kwakho kuhluke kulokujwayelekile.
Asesibone ke kutsi sinkhwa semmbila sentiwa njani, tindlela tekusipheka setaba tinengi, kodvwa sitowenta lena lebeyentiwa ngaphambile kwekuba kube nentfutfuko.
Lokudzingako
- 6 wetibhuluja letinkhulu temmbila, beka eceleni emacembe atosebenta nasopheka
- 1 ikomishi ya fulaha
- 2 tipunu ta baking powder
- Licandza linye lelishayiwe
- 2 tibunu tabhotela lomanti
- 2 tipunu shukela noma ngekutsandza kwakho
- Luswayi lekutsi kuvele
- ½ inkomishi yelubisi kuye ngekutsi umbila wome kanganani
Indlela yekupheka
- Sebentisa umukhwa locijile uhlukanise letinhlavu kuletibuluja, bese utibeka eceleni. Faka incenye lenkhulu yaletinhlaba emshinini wekuhlanganisa kudla noma usile. Yengeta emacandza, bhotela loncibilikile, shukela, luswayi kanye nelubisi. Hlanganisa kuze kube ngulapho sewunenhlama lecinile nobe lenhle, kuye ngekutsi utsandza ini.
- Endishini lenkhulu, hlanganisa fulaha nalokunye lokunongotelako. Yengeta ibaking powder bese uyawuhlanganisa uze ube yinhlama lenkhulu.
- Geza uphindze unciphise lamacembe embila lagciniwe emantini lashisako. Faka tipunu letintsatfu kuya kuletine talenhlama kulelo nalelo cembe bese uyaligocota kute uvale inhlama.
- Beka letibhuluja phansi ebhodweni lelikhulu. Faka emanti lamanyenti kulelibhodo kute afike uvale letibhulija. Yenta emanti abile.
- Ngekucophelela, beka letincenye letigociwe ngalemacembe etikwetibhuluja letishisako. Vala lelibhodlela ngesivalo lesicinile.
- Pheka ngemlilo losemkhatsini imizuzu lemashumi lamatsatfu kuya kumashumi lamane nesihlanu kumacembu lamancane noma emathinini, noma emahora lalishumi kuya kumabili kwentela sinkhwa lesikhulu. Hlola lizinga lemanti njalo ngemizuzu lemashumi lamabili kuya kumashumi lamatsatfu bese wengeta emanti labilako nakudzingeka.
- Sinkhwa sakho sesivutsiwe nangabe lutsi lwekuvungula loluhlobile lofakwe ekhatsi, luphuma lomile.
- Sikhiphele ebhodweni bese usiyekela siphole kancane ngaphambi kwekutsi usisikele kusidla.
Leave a comment