Kungakabi netitolo letikhulu, kanye nekudla lokulula lokubuya kulamanye emave, bumnandzi besibutfola kuyo imvelo. Ngisho mine titselo lebetitimilela esigangeni tinganakekelwa ngumuntfu ngaphandle kwemvula yeMdali. Buntfwana ngaleso sikhatsi bebulinganiswa hhayi ngesikhatsi sabobhayiskobho, kepha ngekutsi besitimisele kangakanani kuzulazula emahlatsini, sihamba ngetinyawo, sivika emanyeva sifuna letitselo temvelo.
Situkulwane sanamuhla ke asisakwati loku, singahle sitendlule ngisho endleleni letitselo ngekungati kutsi tiyini, kepha titselo temdzabu tihlala tiyincenye lecebile yekutsi sibobani, kunambitseka lokwakha imitimba yetfu, futsi kwakha buntfwana betfu.
Namuhla ekhasini letfu sitawubuka titselo temvelo lesakhula ngato. Letitselo leti tisekhona nalamuhla, titfolakala khona emahlatsini nasetigangeni kodvwa tikhona lesetilinywa ngesilungu.
Tilinyelwa kona lokutsi tigcineke sichubeke sitidle sitijabulele, nekutsi tigcine imvelo yetfu simaSwati.
Kuletitselo leti ke kute tinhlobo lwetitsako letidzingwa yimi timba letingekho, tiyimphilo futsi atidzingi lokunengi kuze tikhule.
Esikhatsini samanje seku netindlela tekwenta letitselo sidliwe ngetindlela letehlukene njengabo Jamu nekomiswa.
Letinye titselo setiyaphiswa tibe ngutjwala kwentela labo labajabulela tinatfo letimponjwana.
Asesibone kutsi ngutiphi letitiselo.
Leave a comment