Umcimbi awukapheleli ngephandle kwenhloko yenkhomo

Yi weekend lenkhulu, emaSwati lamengi atabe abhekise emabombo eHlane, eMkhosini weBuganu lapho emakhosi abite emaSwati khona.

Kodvwa ke, akusiye wonkhe lotawuphumelela kuya khona, bengitsi ke mine, ungatentela wakho umcinjana ujabulele Buganu nebangani netihlobo takho.

Buganu ke bufuna inyama, bufuna udle nje impela, ngulapho ke mine lasengingena khona, ngikunike indlela yekupheka ye Nhloko yenkomo. Inhloko iyasibamba simo ngoba iyandza, imunandzi nayiphekwe kancane futsi yatsamba kahle. Nayi indlela lelula yekuyipheka:

• 1 Inhloko yenkomo, lehwayiwe boya yagezwa yase iyasikwa yaba ngemacatsa lamncane.
• Emanti langaba malitha lamabili noma lanele kumbonya inyama.
• 1 anyanisi lomkhulu locotjiwe.
• Kwekunonga kungaba luswayi, pelepele lomnyama, ne-BBQ.
• Lokunye kungaba mastock cubes ne-garlic uma utsandza.

Indlela yekuPheka

• Geza inhloko kahle ngemanti labandzako kuze kusuke konkhe kungcola neboya lokungaba kuyo.
• Faka ticucu tenyama ebhodweni lelikhulu, utsele emanti umbonye inyama. Bilisa kuze kuphume emagwebu ngetulu, uwasuse.
• Faka anyanisi netinongo takho (luswayi, upelepele, ne-BBQ). Ungafaka ne stock kuze kutentele umsobho.
• Nciphisa umlilo, uliyekele libhodwe libile kancane, emahora langaba mabili kuya kulamatsatfu, kuze lenyama itsambe kakhulu ize ihlukane nematsambo.
• Uma inyama seyivutsiswe, unganyusa umlilo kancane imizuzu lembalwa, uze umsobho utiye.
• Kuyiphakela

Inhloko imnandi kakhulu uma idliwa ne:

• Liphalishi
• I-Salsa (tamatisi na-anyanisi) eceleni.