Sesikhatsi semaganu, asesitiphisele lesinatfo

 Tfola lokungenani titja noma emabhakede lamat­satfu (3) lotawusebenta ngawo kanye nekucatela titselo emaganu.

Sitja sinye sigcwale emanti kanye nemaganu laluhlata. Sit­ja sesibili sibamba emaganu lahlutshiwe, bese sitja sesitsatfu sifaka lamacembe.

Emvakwaloko, lamaganu lahlut­shiwe ayasuswa ayiswa esitjeni lesehlukile bese lejusi ibekwa eceleni itawusentjetiswa muva. Nawutsandza ungasebentisa tandla takho noma usebentise lokuyimfologo. Koja ke kuy­awenta umehuko kusebenti­sa tandla futsi uma letitselo tinamatsela ungayakata tandla ngemanti lamancane.

Tfululela emanti lanele nje kwenta ijusi ibukeke njenge­lisobho esikhundleni sekuna­matsisela.

Cishe njengesinyatselo 3 – bhu­ca kakhulu ize lenyama yalama­ganu icale kuphuma noma ihlukane netindumbu temaga­nu, phindze ubhuce kwekugci­na kwentela kukhipha yonkhe ijusi bese ulahla lentindumbu letisalako.

Buyisela lejusi loyibeke eceleni ebhakedeni. Lokufaka lejusi eb­hakedeni bese uyambonya nge­sivalo kwesikhashana lesingaba mahora kwentelwakutsi lejusi ilate noma ibile.

Ngemuva kwesikhatsi lejusi kumele ihlale ngephasi kwelib­hakede njengoba kutaba neng­webu letontanta ngetulu.

Lesendlalelo lesingetulu, noma ingwebu iyasefwa noma uyikhe uyisuse. Yona ayisetjentiswa.

Nasewususe lengwebu wayisefa kahle lejusi yahloba, sewuyak­hona kunatsa le jusi ngemuva kwekutsi seyihlungwe uyifake esitjeni lesihlobile, lapha kusese yiJusi yemaganu.

Kuze kube tjwala, kemele uyila­tise lejusi ngemuva kwemalanga lamabili kuya lamane uyivubele, kumele utsele shukela lilanga ngalinye lejusi levubelwe ngalo.

Kutawutsi kuphela lamalanga, lejusi itabe seyilatile noma ibilile yaba buganu.

Sewungatichaza ke ngesinatfo.