Kugcina emasiko etfu ngekudla

Kudla kuyintfo lenemandla ekuhlanganisa emagugu etfu nemasiko. Kulungisa nekwabelana ngetidlo tesintfu letifana nembhidvo wetintsanga kuyindlela lemangalisako yekuhlonipha timphandze tetfu temasiSwati, kuchumana nabokhokho betfu, kanye nekwendlulisela lwati lwemasiko lolubalulekile esitukulwaneni lesilandzelako.

Lesidlo silula futsi sinemsoco, siyintfo lebalulekile. Sitsandzelwa kunambitseka kwaso kanye nekubukeka kwaso.

Umbhidvo Wetintsanga Tinongo

• Sicumbi sinye lesikhulu semacembe elitsanga lelisha
• ½ inkomishi yemantongomane laluhlata
• ¼ inkomishi yemanti (yekuhlanganiswa kwemantongomane)
• ½ sipuni lesincane seluswayi, noma ngekunambitsa.
• ¼ inkomishi yemanti (ekupheka tinstanga)
• Sipuni lesingu-1 semafutsa ekupheka

Indlela yekupheka

• Lungisa emacembe elitsanga, uhlube letintsanga. Hlukanisa ngekucophelela emacembe bese uyawahluba. Uwageze kahle ngaphansi kwemanti labandzako. Coba emacembe cishe abe tincetu letisemkhatsini.
• Lungisa inhlanganisela yemantongomane. Faka emantongomane laluhlata kanye ne ¼ yenkomishi yemanti ku blender noma ku processor yekudla bese uyahlanganisa kuze kube ngulapho kufinyelelwa kuhlanganiswa lokubusheleleti. Uma kushube kakhulu, faka emanti, sipuni lesincane kancane kancane. Kufanele kube njengekhilimu lobukhulu.
• Kupheka umbhidvo. Faka emacembe elitsanga lacotjiwe kanye ne ¼  yenkomishi yemanti, nemafutsa ekupheka ebhodweni lelikhulu. Mbonya libhodo bese upheka emacembe emlilweni losemkhatsini aze atsambe. Loku kuvame kutsatsa imizuzu lengu-15-20. Hlanganisa ngetikhatsi letitsite kuvimba kushelela.
• Uma emacembe sekatsambile, cenga lokusamanti uma kudzingeka. Hlanganisa sihlanganiso semanti nemantongomane lebusheleleti kanye neluswayi emacembeni laphekiwe. Nciphisa umlilo ube phansi. Lamantongomane atawuwengeta lombhidvo.
• Hlanganisa, ubondze cishe imizuzu lengu 5-10 kwentela kuvumela kunambitseka kwemantongomane, nekutsi kuphekeke kahle kuhlangane futsi kuvimbe kutsi kungasheleli.
• Nambitsa bese ungeta luswayi uma kudzingeka. Lesidlo sesilungile nangabe lamantongomane sekahlanganiswe kahle, futsi sesibukeka sicwebetela.