Kulo Khisimusi kungani singabuyeli emuva upheke kudla lokulula lokungajatshulelwa ngumndeni wonkhe. Sikubita ngembasha futsi loku kudla lokungadliwa noma nini.
Ngekwati kwami, imbasha beyikhantingwa bomkhulu, bahlanganise ummbila lowomile kanye nemantongomane lahlubiwe, loku bekukudla lokulula, lokuhlanganisa imindeni njengoba beyibutsana emlilweni balalele tinganekwane kudliwa yona imbasha.
Kulula kakhulu ke kwenta imbasha futsi kuyashesha.
Yini lotawuyidzinga
Ummbila lowomile
Emantongomane lahlubiwe
Indlela yekwenta
Beka lipani noma libhodo esitofini nobe emlilweni.
Uma sekushisa, faka kucala tinhlavu takho temmbila.
Hlanganisa ngengwembe, ugucule emahlandla lamanengi uze lommbila uvutfwe noma utsambe, bese ufaka emantongomane uchubeke ugucugucule kuze kube ngulapho konkhe sekuphekwe kahle. Imbasha ke imunandzi ishisa.
Emacebo lalusito
Uma ufuna ummbila wakho utsambe, ungawufaka emantini sikhatsi lesitsite ngaphambi kwekutsi uwutfose.
Ungawafaki emantongomane ekucaleni ngoba asheshe ashe. Ummbila utsatsa sikhatsi lesidze kuvutfwa, ngako ke, wafake muva. Uma ufuna uvele, faka ummbila emantini laneluswayi, bese wenta lokufanako nangemantongomane.
Ungaluvuvuteli luswayi uma sekuvutsiwe; angeke luvele.
Lenye indlela kungaba kuhlanganisa luswayi kanye nemanti bese utsela ngetulu kwemmbila kanye nemantongomane ngaphambi kwekususa emlilweni noma estofini. Uma imbasha yakho seyibandza, kulula kuyifutfumeta
Leave a comment